Happy New Year everyone! Here's a poem/song by Robert Burns you might recognize.
<br>
<br>Auld Lang Syne
<br>
<br>Should auld acquaintance be forgot,
<br>And never brought to mind?
<br>Should auld acquaintance be forgot,
<br>And auld lang syne!
<br>
<br>Chorus.-For auld lang syne, my dear,
<br>For auld lang syne.
<br>We'll tak a cup o' kindness yet,
<br>For auld lang syne.
<br>
<br>And surely ye'll be your pint stowp!
<br>And surely I'll be mine!
<br>And we'll tak a cup o'kindness yet,
<br>For auld lang syne.
<br>For auld, &c.
<br>
<br>We twa hae run about the braes,
<br>And pou'd the gowans fine;
<br>But we've wander'd mony a weary fit,
<br>Sin' auld lang syne.
<br>For auld, &c.
<br>
<br>We twa hae paidl'd in the burn,
<br>Frae morning sun till dine;
<br>But seas between us braid hae roar'd
<br>Sin' auld lang syne.
<br>For auld, &c.
<br>
<br>And there's a hand, my trusty fere!
<br>And gie's a hand o' thine!
<br>And we'll tak a right gude-willie waught,
<br>For auld lang syne.
<br>For auld, &c.
<br>
